“Ҳаҭыр зқәу ансамбль алахәылацәа!

 

Гәык-ԥсык ала ишәыдысныҳәалоит ансамбль аиубилеи.

 

20 шықәса раахыс афырҭын иаҩызоу шәансамбль акәашацәа асцена иқәԥраауа ахәаԥшцәа аныҳәа рызнаргоит. Арҭ ашықәсқәа ирылагӡаны ансамбль иалшахьоу маҷӡам. Ҳмилаҭтә хореографиатә традициақәа иахьа уажәраанӡа ихьчо иаажәгоит, иаҳзышәааӡоит ҳкультура ԥхьаҟа изгаша аҿар. Иарбан сцена шәахьықәгылазаалак ҳҳәынҭқарра ахьӡ ҭыжәгоит, ҳкультура ӡырыжәгоит.

 

Иҭабуп ҳәа шәаҳҳәоит шәҟазара ҳаракы азы, шәлагалазы жәлар ртрадициа аиқәырхара аус аҟны.

 

Ишәзеиӷьасшьоит аихьӡара ҿыцқәа, ақәҿиарақәа, акәашаратә ҟазарахь ишәымоу агәазыҳәара ҿымцәаауа, ҳахәаԥшцәа шәыргәырӷьалааит”.