Аҩбатәи Жәларбжьаратәи аоператә фестиваль «OPERA VIVA» мҩаԥгахоит ԥхынгәы алагамҭаз.

Афестиваль аатуеит ԥхынгәы 5 асааҭ 20:00 рзы Аԥсуа драматә театр аҿы. Иара уа ԥхынгәы 6 асааҭ 20:00 рзы имҩаԥгахоит аконцерт «Piano Duo». Афестиваль аркра иазку аконцерт иалагоит ԥхынгәы 7 асааҭ 17:00 рзы Пицундатәи ауахәамаҿы.

Афестиваль иалахәхоит Аԥсны жәлар рартист Давид Терзиан напхгаҩыс дызмоу Аԥсны акамертә оркестр, Аԥсны жәлар рартист Нора Џьынџьалԥҳа напхгаҩыс дызмоу ахортә капелла, Адыгеиатәи аҳәынҭқарратә симфониатә оркестр, Чаиковски ихьӡ зху Москватәи аҳәынҭқарратә консерваториа Акамертә хор.

Афестиваль иалахәуп: Аԥсны жәлар рартист Нинель Бжьаниаԥҳа, Аԥсны зҽаԥсазтәыз артист Гәлиза Аҩӡԥҳа, ашәаҳәаҩцәа Нана Черқьезиаԥҳа, Алхас Ферзба, Асҭамыр Кәыҵниа, Кристина Ешԥҳа, Сирануш Гаспариан, Атеатр ду аоператә труппа асолист Бехзод Давронов, ауарӷанарҳәаҩы Аԥсны зҽаԥсазтәыз артист Лука Гаделиа.