«Ҳара агәахәара ду ҳнаҭоит ҳтеатр еиуеиԥшым афестивальқәа рахь иахьнарыԥхьо, ҳгастроль-фестивальтә ныҟәарақәа Аԥсны аҳәынҭқарратә биуџьет абӷа иахьықәым. Ҳара ҳахә ршьоит ҳаҩаӡаразы, ҳҟазаразы, узқәымгәыӷшагьы ахьҳалшало азы. Архангельск аспектакль «Солиарис» идҳарбоит. Ихьӡуп Аԥсны акультура аҳәаанырцә дырбара, дырдырра», - иҳәеит РУСДРАМ адиректор хада Иракли Хынҭәба.

Аԥсны адагьы афестиваль иалахәхоит Москва, Санкт-Петербург, Архангельск, Калуга, Пермь ртеатрқәа.

Афестиваль «Ломоносов Фест» – аҟазареи, аҵарадырреи, атехнологиақәеи реиԥшьымҭаҿы игылоу фестивальуп. Иара еиҿкаауп Урыстәыла акультура аминистрра афинанстә цхыраарала.

Ахәаԥшцәа идырбахоит адраматә аиԥш апластикатә, акьанџьатә, ахәыҷтәы спектакльқәагьы.