Print this page
АЖӘАБЖЬҚӘА

Д. Гәлиа ихьӡ зху Аҳәынҭқарратә премиа аиуразы аконкурс ахь инашьҭу аԥҵамҭақәа

14 Ԥхынгәы 2023 281
Д. Гәлиа ихьӡ зху Аҳәынҭқарратә премиа аиуразы аконкурс ахь инашьҭу аԥҵамҭақәа

Алитературеи, аҟазареи, архитектуреи рзы Д. И. Гәлиа ихьӡ зху Аԥсны Аҳәынҭқарратә премиа акомиссиа алаҳәара ҟанаҵоит, Аҳәынҭқарратә премиа аиуразы аконкурс ахь ишынашьҭу абарҭ аԥҵамҭақәа:

  1. Аргәын Мадина. Аспектакль «Сариа» ақәыргылара С. И. Ҷанба ихьӡ зху Аԥсуа ҳәынҭқарратә драматә театр аҟны.
  2. Аҳашба Инна. «Аԥсыраӡа» (Ажәеинраалақәа реизга).
  3. Қьецба Асҭанда. Ателехәаԥшартә документалтә фильмқәа («Зураб Ачба», «Атеррор ду. Ҩарданаа рлахьынҵа», «Аслан Оҭырба», «Ауахҭа», «Аԥсны адоуҳа»).
  4. Логәуа Нугзар. Аҵыхәтәантәи ашықәсқәа ирыҵаркуа аҿыханҵатә ԥҵамҭақәа.
  5. Ҷанба Нодар. «Аԥсуа реквием» (Еилоуи ахәыҷтәи хорқәа асолистцәа рзы).
  6. Шебзухова Лариса. Рушьбеи Смыр ипоема «Семра» абаза бызшәахьы аиҭага.