Ахәаԥшцәа иддырбеит Фазиль Искандер иҩымҭақәа ирылхыз аескизқәа хԥа: ажәабжь "Махаз" - арежиссиор Олесиа Невмержицкаиа лықәыргыламҭа; "Ажьақәеи арқьымаҭқәеи" - арежиссиор Игорь Лебедев иқәыргыламҭа; "Харлампои Деспинеи" - Василиос Самуркас иқәыргыламҭа. Атеатр адиректор хада Иракли Хынҭәба иажәақәа рыла, акы алхра даара иуадаҩые, избанзар рыхескизк рхаҭабзиара ҳаракын, аиааирагьы рықәнаган. Ахәаԥшцәа рыбжьыҭира алҵшәақәеи аексперттә хеилак ахәшьарақәа реихшьаалақәеи рыла иалхыз аескиз аспектакльхаҭа алхны иқәдыргылоит 2024 шықәса рзы.