«Ҳара уажәы ҳгәы иҭоуп аестрадатә ҟәша аартра, уи зегь рыла еиқәыршәатәуп, ҳҵаратә программаҿы аиҭакра ҿыцқәа алагалахоит», — лҳәеит лара.

Алықьса Чычба ихьӡ зху Аҟәатәи амузыкатә ҵараиурҭа шьаҭаркын 1930 шықәсазы. Иара гылоуп Аҟәа Ҳаҭхәа ашьха ашьапаҿы, ахыбра иргылеит 1914 шықәсазы аҭуџьар Нинуа.

Ахыбра аиҭашьақәыргылареи уи иаҵанакуа аҭыԥ арҽеиреи, аҵараиурҭа амаҭәахәи, амузыкатә рҳәагақәеи раахәара ахахьы иагеит Урыстәыла Акультура Аминистрра. Аинвестпрограмма аҟнытә апроект анагӡаразы 300 миллион мааҭ азоужьуп.