Шықәсык аԥхьа Нхыҵ-Кавказтәи аҳәынҭқарратә академиеи Аԥснытәи аҳәынҭқарратә университети аҭҵаарадырратә-рҵаратә ус аҟны аусеицуразы аиқәшаҳаҭра рнапы аҵарҩит. Уи инақәыршәаны сынтәатәи аԥхынразы Академиа ашьхатә туризми альпинизми рыспорттә секциа астудентцәа иазԥхьагәарҭеит Черкесски Аҟәеи еимыздо атуристтә мҩахәасҭа аиҭашьақәыргылара.

Аиԥылара иалахәыз иазгәарҭеит ҩ-республикак рыстудентцәа реимадара шыӷәӷәахо, еицырзеиԥшу апроектқәа аԥсҭазаара раларҵәара ишалаго ала агәыӷра шрымоу.