Рашәара 28 рзы Аҟәа иаатуеит Рауф Лакоба диижьҭеи 100 шықәса аҵра иазку ацәыргақәҵа.

Ауснагӡатә аадыртуеит асааҭ 13:00 рзы, аԥсуа политик дахьынхоз аҩны ахыбраҿы (Лакоба имҩа, №32).

Нестор Лакоба даныршь ашьҭахь ажәлар раӷа ҳәа ахьӡ ихырҵеит. 1937 шықәсазы дырбаандаҩын 15 шықәса зхыҵуаз Рауф. Иара ицҭакын «Аԥсуа рԥарцәа рус» иаҵадыркыз Николаи Лакоба, Ҭенгиз Лакоба, Николаи Иналиԥа. 13-15 шықәса зхыҵуаз аҷкәынцәа аконтрреволиуциатә террористтә ус рнапы алакын ҳәа ахара рыдҵан. Рашәара 27 1941 шықәсазы дыршьит Николаи Иналиԥа, рашәара 28 рзы – егьырҭ иаанхаз.