Ақаҩба Даур Вадим-иԥа

Диит хәажәкыра 15, 1979 шықәса рзы Аҟәа ақалақь аҿы.

• 2000 шықәса рзы Башкиртәи аҳәынҭқарратә университет, «Азиндырратә» факультет далгеит (азанааҭ – «адәныҟатәи економикатә усура азинтә еиқәыршәара»).
• 1995-2000 шш. – ареферент, Ареспублика Башкортостан аҿы Аԥсны Ахаҭарнакра аҿы абжьгаҩ.
• 2000-2009 шш. – Ареспублика Башкортостан аҿы Аԥсны Аҷыдалкаатә Зинмчы змоу ахаҭарнак.
• 2005-2006 шш. – Аԥсны адәныҟатәи аусқәа Рминистрраҿы жәларбжьаратәи аҟәша аиҳабы.
• 2006-2010 шш. – Аԥсны адәныҟатәи аусқәа рминистр ихаҭыԥуаҩ.
• 2010-2011 шш. – Аԥсны Аминистрцәа Реилазаара Аппарат аиҳабы.
• 2011 ш. – Аҟәатәи иаарту аинститут аҿы азанааҭдырра «Жәларбжьаратәи азин» ала алекциақәа дрыԥхьон.
• 2012 ш. лаҵарамза инаркны абҵарамза аҟынӡа – Аԥсны иҷыдоу аҭагылазаашьақәа рзы Аусбарҭа азинтә ҟәша аиҳабы.
• 2012-2014 шш. – Урыстәылатәи Икоммерциатәым Афонд «Институт Евразийских исследований» анаԥхгаҩы ихаҭыԥуаҩ.
• 2013-2014 шш. – Аԥсны иҷыдоу аҭагылазаашьақәа рзы Аусбарҭа анаԥхгаҩы иабжьгаҩ.
• 2013 ш. (абҵарамза) – Аԥсны Жәлар Реизара-Апарламент аиҳабы иабжьгаҩ. Абҵарамза,
• 2014 ш. инаркны – Аԥсны Ахада ипротокол Аусбарҭа аиҳабыс аус иуан. Аԥсны Аҳәынҭқарра Ахада иҭижьыз Аусԥҟа инақәыршәаны Аҷыдалкаатә Зинмчы змоу I акласс Ахаҭарнак ҳәа адипломатиатә ранг ихҵоуп. «Жәларбжьаратәи аимадара аҿиара аҿы илагала ду азы» ҳәа адыргаҷа, иара убас егьырҭ аҳәынҭқарратә ҳамҭақәа ианашьоуп.
• Апрель 6, 20202 шықәса инаркны октиабр 30, 2023 шықәсанӡа – Аԥсны Аҳәынҭқарра акультура аминистр.
• 2023 шықәса инаркны апрель 2025 шықәсанӡа – Гал араион ахада ихаҭыԥуаҩ.
• Апрель 18, 2025 шықәса инаркны - Аԥсны Аҳәынҭқарра акультура аминистр.

Дҭаацәароуп, х-ҩык ахәыҷқәа драбуп.

Смыр Динара Гәдиа-иԥҳа

Диит сентиабр 19, 1957 шықәсазы Аладатәи Иашыра ақыҭан.

• Абжьаратә школ даналга, 1974–1977 ашықәсқәа рзы аҵара лҵон Аҟәатәи акультуратә-ҵаралашаратә ҵараиурҭа аоркестртә ҟәша аҟны.
• 1977–1979 аш. рзы – Аԥснытәи аҳәынҭқарратә филармониаҟны еиҿкааз авокалтә-инструменталтә ансамбль далахәын.
• 1979–1983 аш. рзы аҵара лҵон Москватәи аҳәынҭқарратә акультура аинститут аҟны.
• 1983–1984 шш. рзы аус луан Жәлар рҟазара Ареспубликатә анаукатә-методикатә центр аметодист еиҳабыс.
• 1984–1985 шш. рзы – Жәлар рҟазара Ареспубликатә анаукатә-методикатә центр анаукатә усзуҩы еиҳабы.
• 1985–1992 шш. – Жәлар рҟазара Ареспубликатә анаукатә-методикатә центр аиҿкааратә-методикатә ҟәша аиҳабы.
• 1992–1994 шш. рзы – Аԥснытәи АССР Акультура Аминистрра аҵаралашаратә усуразы аспециалист нага.
• 1994–1997 шш. рзы – Аԥсны Аҳәынҭқарра Акультура Аминистрра атеатртә-ланарԥшыратә усмҩаԥгатәқәа рыҟәша аспециалист нага.
• 1997–2011 шш. рзы – Аԥсны Аҳәынҭқарра Акультура Аминистрра акультуреи аҟазареи рыҟәша аиҳабы.
• 2011–2014 шш. рзы – Аԥсны Аҳәынҭқарра акультура аминистр ихаҭыԥуаҩ.
• 2011 шықәсазы акыр шықәса лыҵшәа бзиала акультуреи аҟазареи аҟны аус ахьылуаз азы иланашьан ахьӡ «Аԥсны Аҳәынҭқарра зҽаԥсазтәыз акультура аусзуҩ» ҳәа (ииунь 10, 2011 шықәсазы Аԥсны Ахада инапы зҵаиҩыз ақәҵара № 165).