 |
 |
 |
 |
 |
 |
"Акыр иаҧсоу Софа Хынтрыгә-иҧҳа! Аҧсны Аҳәынҭқарра Акультура Аминистрра ахьӡала гәык-ҧсыкала ишәыдаҳныҳәалоит шәиубилеи. Еицырдыруа аҧсуа артист, шәара аҧсуа драматургиатә ҟазараҟны хьтәы цәаҳәала шәышьҭа анышәҵеит. Зыҧсҭазаара зегьы аҧсуа сцена иазызкыз, шәыпрофессионалтә мҩа иалагӡаны иаҧышәҵеит 70 инареиҳаны ҟазшьала еиҧшым, хашҭра зқәым ахаҿсахьақәа, итрагедиатәу инаркны агротесктә комедиатә рҟынӡа. Инашәыгӡоз арольқәа ахәаҧшцәа ргәы иҭымҵәо иаанхеит – Кафа («Акьанџьа»), Анна Фирлинг («Ан Кураж»), Електра («Електра»), Фру Альвинг («Анаурқәа»), Асиаҭ («Ашьхаҭыҧҳа») уҳәа убас ирацәаны.Лымкаала иазгәаҳҭарц ҳҭахуп Ф. А. Искандер иҩымҭақәа рыла иаҧышәҵаз амоноспектакльқәа – «Харлампои Деспинеи», «Арбаӷь», «Инхон-инҵуан лагажәыки ҭакәажәыки», «Ажьақәеи арқьымаҭқәеи». Аҟыбаҩ змоу ауаҩы, шәара аҟазара ганрацәала шәазнеиуеит, иаҧышәҵоит асценариақәа, шәнапы иҵыҵхьеит имаҷымкәан аиҭагақәа, иқәшәыргылоит аспектакльқәа, шәрылахәын аҧсуа фильмқәа рҭыхра.
Ишәзеиӷьасшьоит агәабзиара, агәамч, аманшәалара, шәнапы злаку арҿиара аус аҟны аихьӡара дуқәа.Шәрыгымзааит шәыуаажәлар, шәҭаацәа.
Ҽаанбзиала шәнеиааит!".