Афестиваль жьҭаарамза 13 инаркны 18 рҟынӡа имҩаԥысуеит, уи Аԥсни, Аахыҵ Уаԥстәылеи, Нхыҵ-Кавказтәи ареспубликақәа рҟынтәи атеатрқәа 12 еиднакылоит.
Самсон Ҷанба ихьӡ зху Аԥсуа драматә театр афестиваль ахыркәшара амш аҽны, аԥсуа шәҟәыҩҩы Алықьса Гогәуа иҩымҭала арежиссиор Мадина Аргәынԥҳа лықәыргыламҭа ахәаԥшыҩцәа ирыднагалоит.
Апрограммаҿы – аурыс бызшәахь синхронла еиҭагоу амилаҭтә театрқәа рхатәы бызшәақәа рыла иқәдыргылаз аспектакльқәа.
Аспектакльқәа рыдагьы, афестиваль аҳәаақәа ирҭагӡаны астол гьыжь «Амилаҭтә драматә театрқәа ҳаамҭазтәи аҭагылазаашьақәа рҿы рыҿиареи» актиортә ҟазараз аҟаза-классқәеи мҩаԥгахоит.