 |
 |
 |
 |
 |
 |
Абитуриентцәа Урыстәыла атәылауаҩра рымазароуп. Латәаралатәи аҵараамҭа ԥшьышықәса ыҟоуп, уи ашьҭахь аспециалист идиплом рырҭоит, «Адраматә театри акинои рартист» ҳәа азанааҭ роуеит.
Шьукин ихьӡ зху аинститут иалгаз Искандер ихьӡ зху аҳәынҭқарратә аурыс драматә театр актиорцәа иреиуоуп: Ирина Делԥҳа, Милана Ламиаԥҳа, Осман Абыхәба, Руслан Жьиба.
РУСДРАМ излаанацҳауа ала, Шьепкин ихьӡ зху аҵараиурҭаҿы аҵара зҵо аԥсуа студентцәа ргәыԥ 2026 шықәса аԥхынразы ареспубликахь ихынҳәуеит. Урҭ рҟынтәи ԥшьҩык атеатр ақәыргыламҭақәа ирылахәхахьеит.