Аԥсны Аҳәынҭқарра Акультура Аминистрраҿы имҩаԥысит Аминистрра анапхгареи Башкортостан Аҳәынҭқарратә биуџьеттә занааҭтә ҵараиурҭа «Уфатәи аҟазаратә школ» анаԥхгаҩы Шамиль Фаил-иԥа Абдракови реиԥылара.
Аиԥылараҿы иалацәажәеит акультуратә усеицура аперспективақәа, аҩ-республикак ринститутқәа рыбжьара азанааҭтә еимадара арӷәӷәара, еицырзеиԥшу аҵарадырратәи, арҿиаратәи аԥшьгарақәа рынагӡара.
Аҭаара аҳәаақәа ирҭагӡаны А.Ч. Чычба ихьӡ зху Аҟәатәи аҳәынҭқарратә музыкатә ҵараиурҭеи Уфатәи аҟазаратә школи аусеицуразы Аиқәшаҳаҭра рнапы аҵарыҩҩит. Аусшәҟәы аусеицура аҿиара, аԥышәа аимдара, еицырзеиԥшу аусмҩаԥгатәқәа, амастер-классқәа, аҟазаратә проектқәа рымҩаԥгара азԥхьагәанаҭоит.