Уи еиднакылоит ацәыргақәҵатә, арккаратә, атеатртә проектқәа, арежиссиортә лабораториа, агастрольқәа, иҷыдоу ахҭысқәа ҳәа аанацҳауеит атеатр апресс-маҵзура.
Абҵара 5 рзы АЗХ аҿы иаатуеит афотосахьаҭыхҩы Арсени Чақмач ицәыргақәҵа.
Абҵарамза актәи адекада азы Иракли Хынҭәба РУСДРАМ аҿы атеатр афеномен иазку алекциа даԥхьоит, абҵара 15 рзы — Петербург иҟоу Товстоногов ихьӡ зху адраматә театр ду аҿы.
Абҵара 10 рзы атеатр арт-фоие аҿы 45-тәи атеатртә сезон аихшьаалақәа ҟарҵоит.
Абҵара 12 рзы РУСДРАМ 46-тәи асезон аатуеит Владимир Золотар иқәыргыламҭа “Ала агәы” ала. Уи Булгаков диижьҭеи 135 шықәса аҵра иазкуп.
Абҵара 15-20 рзы имҩаԥгахоит Нарҭаа репос иазку арежиссиортә лабораториа.
Абҵара 30 инаркны ԥхынҷкәын 2 рҟынӡа Москва атеатр агастрольқәа мҩаԥгахоит, уаҟа иддырбоит аспектакльқәа ԥшьба.
Апрограмма хыркәшахоит 2027 шықәса хәажәкыра 27 рзы аныҳәатә иубилеитә хәылԥазла.
Уи адагьы, хара имгакәа иазԥхьагәаҭоуп атеатр аребрендинг — афирматә стиль ҿыц ацәырҵреи ирҿыцу асаит аусура аларгареи.