 |
 |
 |
 |
 |
 |
Аԥсны Аҳәынҭқарра Акультура Аминистрра гәалсра дула ирыдыркылеит Шьамтәылатәи Арабтә Республика аинрал-маиор Уалид Маршьан иԥшәмаԥҳәыс, Шьамтәылатәи Жәлар рсовет адепутат, Шьамтәыла иҭахаз аибашьцәа ргәалашәара иазку Агәыҳалалратә фонд анапхгаҩы, «Ахьӡ-Аԥша» аорден ахԥатәи аҩаӡара занашьоу Џьансеҭ Казанԥҳа лдунеи ахьылыԥсахыз.
Џьансеҭ Казанԥҳа лыԥшәма, Шьамтәылеи Аԥсныи еицырдыруа аинрал Уалид Маршьан, дарӷьажәҩаны дивагылан, лылшара зегьы адылҵон Аԥснытәи Аҳәынҭқарреи Шьамтәылатәи Арабтә Республикеи рыбжьара аимадарақәа рырӷәӷәара. «Сара ҩ-ԥсадгьылк сымоуп – Аԥсынтәылеи Шьамтәылеи, сылшара зегьы урҭ ирыдысҵоит», – лҳәон Џьансеҭ.
Гәалсра дула ҳрыдышшылоит Џьансеҭ Казанԥҳа лыуацәеи лҭынхацәеи. Наунагӡа лгәалашәара ҳгәаҵаҿ иаанхоит.
Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп.