 |
 |
 |
 |
 |
 |
«Апроекттә усурақәа мҩаԥысуеит. Акапиталтә ргылараз аусбарҭеи ҳареи ҳаимадоуп. Аԥарақәа ыҟоуп. Хара имгакәа аусурақәа ирылагахоит», – иҳәеит иара.
Нестор Лакоба иҭоурых-мемориалтә музеи аԥҵан 1982 шықәсазы. Лакоба 90-шықәса ихыҵра амш аҽны иаартын. Амузеи аус ауит нанҳәа 1992 шықәсанӡа.
Аԥсны Аџьыџьтәылатәи еибашьра 1992-1993 шықәсқәа раан амузеи рыблит, аха Аԥснытәи аҳәынҭқарратә музеи аҿы архив зегь аиқәырхара алшеит.
Абҵарамзазы Аԥыза-министр Александр Анқәаб анапынҵа ҟаиҵеит Нестор Лакоба имузеи ахыбра аиҭашьақәыргыларазы ахарџьнҵа еиқәдыршәарц.