 |
 |
 |
 |
 |
 |
"Ҳаҭыр зқәу Амиран Сардион-иԥа!
Акультура Аминистрра ахьӡала гәык-ԥсык ала ишәыдысныҳәалоит шәиубилеи – 70 шықәса шәхыҵра. Шәара ҳаамҭазтәи аԥсуа скульпторцәа иреиӷьу шәырхыԥхьаӡалоуп. Аҟазара ҳараки абаҩхатәра дуи ирхылҿиааз шәусумҭақәа ззымдуа Аԥсны уаҩ дыҟаӡам – зыԥсадгьыл зхы ақәызҵаз Аԥсны аҵеицәа ирызку Ахьӡ-Аԥша Амемориал, Очамчыратәи абаҟа, раԥхьатәи аԥсуа сахьаҭыхҩы апрофессионал Алеқсандр Чачба ибаҟа уҳәа егьырҭгьы.
А. Чачба ихьӡ зху Аҟәатәи асахьаҭыхратә ҵараиурҭа аиҳабы иаҳасаб ала, шәара еиҵашәааӡеит имаҷымкәа абаҩхатәра змоу аҿар – аԥсуа сахьаҭыхыҩцәеи аскульпторцәеи. Уи алагьы аҽарҭбаауеит шәлагала аԥсуа ҟазара аҿиаразы.
Гәык ала ишәзеиӷьасшьоит агәабзиара, аманшәалара, аҟазарахь ишәымоу агәазыҳәара ҿымцәаауа ҳазшаз алшара шәиҭааит".