 |
 |
 |
 |
 |
 |
«Чечентәылатәи Ареспублика акультура амшқәа Аԥсны Аҳәынҭқарраҟны рымҩаԥгара ҳара ҳзы акраҵанакуеит Чечентәыла акультуреи аҟазареи рдырразы. Агәра ганы сыҟоуп ҳаиашьаратә еизыҟазаашьақәа ԥхьаҟагьы еиҳау аҿиара шроуа», – иҳәеит Гәынба.
Чечентәылатәи Ареспублика акультура аминистр ихаҭыԥуаҩ Марет Баисарова илҳәеит аделегациа Аԥсны аҟазаара Аԥсни Чечнеи реизыҟазаашьақәа еиҳау аҿиара шырнаҭо.
«Чечентәылатәи Ареспублика акультура аминистр Аишат Кадырова ҳнапы ианылҵеит –аиҩызаратә еизыҟазаашьақәа рышьақәыргылара, ҳкультура, ҳҵасқәа, ҳатрадициақәа шәҳарбарц, ҳԥышәа еимаадарц. Уажәшьҭарнахыс ара иҳамоуп аҩызцәа, ԥхьаҟа аус зцаауша», – лҳәеит лара.
Чечентәыла акультура амшқәа мҩаԥгахоит Аԥсны хәажәкыра 13 инаркны 17 рҟынӡа.
Чечентәыла акультура амшқәа аартхоит РУСДРАМ аҟны, уаҟа Лермонтов ихьӡ зху аҳәынтқарратә драматә театр инанагӡоит «Ҳаамҭазтәи афырхаҵа» («Герой нашего времени») аспектакль.
Хәажәкыра 14 рзы Аҳәынҭфилармониаҟны имҩаԥгахоит Чечентәылатәи аҳәынҭқарратә филармониа аҟазацәа рконцерт, хәажәкыра 17 рзы афилармониаҟны иқәгылоит Жәлар рышәаҳәареи рыкәашареи рҳәынҭқарратә ансамбль «Ваинах».