 |
 |
 |
 |
 |
 |
Инна Никәала-иԥҳа Аҳашба – аԥсуа поет, апублицист, СССР-и Аԥсни рышәҟәыҩҩцәа Реидгылақәа рлахәыла.
1977–1985 шш. рзы агазеҭ «Аԥсны ҟаԥшь» аредакциаҿы корреспондентс аус луан. 1985 ш. нахыс Аԥснытәи аҳәынҭқарратә шәҟәҭыжьырҭа аредакторс дыҟан, ашықәс анҵәамҭаз диасуеит ажурнал «Алашара» аҟәша аиҳабыс. 1995 ш. инаркны Д. И. Гәлиа Илитература-мемориалтә ҩны-музеи деиҳабын. 2003-2005 шш. раан Аԥсны ашәҟәыҩҩцәа Реидгыла Алитературатә фонд аиҳабыс дыҟан. 2007 ш. раахыс ажурнал «Амцабз» аредактор хадас аус луан.
Акьыԥхь аҟны дцәырҵит 1972 ш. инаркны. Лажәеинраалақәеи, лочеркқәеи, лстатиақәеи рнылон ажурналқәа: «Алашара», «Абаза», агазеҭқәа: «Аԥсны ҟаԥшь», «Аԥсны», «Еҵәаџьаа», «Литературная газета» (Москва); аизгақәа: «Однажды в апреле. Ажәеинраалақәа» (Қарҭ, 1982), Ахаҵарашәа. Ажәеинраалақәа. Ажәабжьқәа. Астатиақәа» (Аҟәа-Сухум, 1995); «Аԥсуа поезиа антологиа. ХХ ашә.» (Аҟәа-Москва, 2001; аиҭаҭыжьра – Аҟәа-Москва, 2009) уҳәа егьырҭгьы.
Аԥсны жәлар рфорум «Аидгылара» далахәын. Аԥсны жәлар Рџьынџьтәылатә еибашьраан лқыҭа гәакьа Ԥақәашь дыҟан, излалылшоз ала аибашьцәа дрыцхраауан.
Инна Никәала-иԥҳа Аҳашба лгәалашәара наунагӡа ҳгәаҵаҿ иаанхоит.