Смыр еиҭалҳәеит Санкт-Петербург афорум аҿы аԥсуа культура аӡыргара аҵакы шамоу

Аԥсны акультура аминистр инапынҵақәа назыгӡо Динара Смыр еиҭалҳәеит IХ Санкт-Петербургтәи жәларбжьаратәи акультуратә форум аҿы Аԥсны акультуратә суверенитет ахьчара аҵак ду шамоу. 

Иҟалҵаз ажәахә аҿы Смырԥҳа инаҵшьны илҳәеит Аԥсны еиԥш атәыла маҷқәа рзы акультуратә суверенитет иаанаго уи ажәлар ахаҭа, амилаҭ, аҳәынҭқарра рыҟазаара шакәу. "Ҳаԥсадгьыл еиҳа арыцҳара ианҭагылоз раԥхьа иргыланы уи акультура аганахьала ақәымчрақәа аназыруаз акәын, ҳаӷацәа ибзианы ирдыруан Аԥсны ҳәынҭқарраны иҟазарц азы хымԥада акультуратә суверенитет амазарц шаҭахыз", - ҳәа инаҵылшьит лара. Аԥсуа ҳәынҭқарра иахьатәи аамҭазы раԥхьаӡа инаргыланы ахатәы информациатәи акультуратәи шәарҭадара еиҿнакаароуп. Динара Смыр инаҵылшьит ари аус аҟны Урыстәылатәи Афедерациа ацхыраара шыҟанаҵо. "Аԥснытәи астудентцәа аӡәырҩы Урыстәыла иреиӷьӡоу аҵараиурҭақәа ирҭоуп, ҳҟазаратә коллективқәа лассы-лассы гастрольла арахь иаауеит, қәҿиарала имҩаԥысуеит аиҭныԥсахларатә культуратә усмҩаԥгатәқәа. Ҳара ибзианы ҳажәбоит, ҳшәаҳауеит. Еиҳа-еиҳа акультуратә хырхарҭа аҿиара иаҿуп, уаанӡа ирхәаҽырц ирҭахыз", - лҳәеит лара. Смырԥҳа лажәа иацҵо илҳәеит ари апроцесс шьаҭас ишамоу аурыс бызшәеи акультуреи, уи иабзоураноуп Аԥсны адунеи шыҭнаҵаауа, адунеигьы ахы зланарбо.

Last modified on Donderdag, 23 Абҵара 2023 09:50

АЖӘАБЖЬҚӘА РАРХИВ

« Мшаҧы 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Полезные ссылки

Амузеиқәа

Облако тэгов

АМИНИСТРРАЗЫ

Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп. 

АИМАДАРАҚӘА

Аҧсны Аҳәынҭқарра

384900, ақ. Аҟәа, Лакәаба им. 21

Аҭел: +7(840) 229-75-42.

E-mail: mc_ra@mail.ru

Login to your account

Username *
Password *
Remember Me
© 2018-2024 Аҧсны Аҳәынҭқарра Акультура аминистрра || Министерство культуры Республики Абхазия ||
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых публицистических, аудио-, фото- и видеоматериалов, размещенных на сайте, допускается только с разрешения правообладателя.