 |
 |
 |
 |
 |
 |
Уасил Царгәыш ихьӡ зху Аԥсны Зҽаԥсазтәыз жәлар рашәаҳәареи рыкәашареи Аҳәынҭқарратә ансамбль раԥхьаӡа акәны иалахәхоит Ориол ақалақь аҿы имҩаԥысуа Аиашахаҵаратә культуреи ажәлар рҟазареи VII Жәларбжьаратәи афестиваль.
«Амҩа ҳақәуп. Аколлектив агәалаҟазаара бзиа рымоуп. Амҩа ҳахьықәугьы ҳшәаҳәоит. Афестиваль раԥхьаӡа акәны ҳалахәхоит», — ҳәа иҳәеит аколлектив адирижиор хада Оҭар Ферзба.
Ансамбль аҳәаанырцәтәи ахәаԥшҩы идыргалоит аԥсуа жәлар рашәақәа аабеи аурыс жәлар рашәаки.
Аиашахаҵаратә культуреи ажәлар рҟазареи VII Жәларбжьаратәи афестиваль «Иԥшьоу Урыстәыла атрадициақәа» Урыстәыла аҭаацәара рышықәс иазкуп.
Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп.