 |
 |
 |
 |
 |
 |
Иахьа 70 шықәса ихыҵит Аԥсни Адыгатәылеи зыҽрыԥсазтәыз артист, «Ахьӡ-Аԥша» аорден III аҩаӡареи «Агәымшәараз» амедали занашьоу, Аԥсуа ҳәынҭқарратә драматә театр актиор Ҭемраз Чамагәуа.
49 шықәса инеиԥынкыланы Ҭемраз Расим-иԥа ҳмилаҭтә культура амаҵ азиуеит – аҟазара злоу актиор ишиаҭәоу еиԥш, ааԥсара ҟамҵакәа, аспектакльқәа рҿы арольқәа наигӡоит.
Ҳаҭала инаигӡахьоу арольқәа ртәы ҳҳәозар, урҭ иреиуоуп: Ахра «Амра аԥҳа» (Н. Ҭарԥҳа), апринц Сехисмундо «Аԥсҭазаара ԥхыӡуп» (П. Кальдерон), Кассио «Иули Цезарь» (У. Шекспир), Тита Нани «Кьоџьаа рҭыӡшәа» (К. Гольдони), Аб «Шьапыла» (С. Мрожек) уҳәа акырӡа ҟазшьала еиуеиԥшым арольқәа.
Изеиӷьаҳшьоит агәабзиара, агәамч,алшара дуқәа!
Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп.