И.Гь. Папасқьыр ихьӡ зху АЦҬБ  хыҧхьаӡарала 402 зҵазкуаз ацентртәқәа,  ақалақьтәқәа, араионтәқәа, ақыҭатәқәа  рыла иеиҿкаау системаны   ишьақәгылоуп, убрахь иалоуп ақыҭатә библиотекақәа 298, зфондаҟны   7480,8 шәҟәы ыҟаз, 309,7 ҩык аҧхьаҩцәа еидызкыло. 1992-93 шш. Аҧсны жәлар Рџьынџьтәылатә еибашьра акультура ахәышҭаарақәа аҧхасҭа ҕәҕәа рнаҭеит.  Аибашьра агәаны иҟаз абиблиотекақәа реиҳараӡак блын. Библиотекақәак рыҟны ашәҟәтәы фондқәак ахьеиқәхаз ыҟоуп.   Иахьа Аҳәынҭқарраҟны аус руеит  696,0 нызқь цыра ашәҟәы еидызкыло ашәҟәтәы фондқәа змоу 33 библиотекатә усбарҭа.   1998 ш. АЦҬБ  ахьӡ ҧсахын  И.Гь. Папасқьыр ихьӡ зху Амилаҭтә библиотека ҳәа. Абри инаркны иалагоит уи аамҭа-аамҭацыҧхьаӡа аиҭашьақәыргылара. Аиҭарҿыцратә усурақәа хацыркхоит, ашәҟәтәы фонд хаҭәаахоит, иеиҿкаахоит. Хшыҩзышьҭра ду аҭахоит абиблиотекатә усура асистема аиҭеиҿкаара, атехнологиа ҿықәа рхархәареи ралагалареи рызҵаарақәа. Иаҧҵахоит аелектронтә информациатә цхыраагӡа, убрахь иналаҵаны аинтернет маҵзура азал. 

Иахьа аус ауеит абиблиотекатә ус аилазаара ҿыц, аус руеит зфондқәа рыҟны 307 734 цыра еидызкыло аҟәшақәа 9:  1. Аидкылареи аус адулареи рыҟәша; 2. Ихадоу ашәҟәыҵәахырҭа аҟәша; 3. Амаҵзуратә ҟәша; 4.   Абонемент иҟәша; 5. Аҳәаанырцәтәи алитература аҟәша; 6. Ашәҟәтәы палата аҟәша; 7. Амилаҭтә литература аҟәша; 8. Аҭҵаарадырратә- методикатә ҟәша; 9. Атехнологиа ҿыцқәа рыҟәша.

Аиҳабы – Ҷолариа Борис Шьаликәа-иҧа.

Аҧсны Аҳәынҭқарра , Лакоба имҩа, 111-тәи аҩны. Аҭел./факс (+7-840)226-64-15. Аҭел.(+7-840)226-24-41.