Хьыбла Гьерзмааԥҳа Жәларбжьаратәи аҿар рфестиваль амузыкатә шоу "Аҭынха аҟынтәи аԥеиԥш ахь" аҟны дықәгылеит.
Аоператә шәаҳәаҩы далахәын академиатә музыкеи ҳаамҭазтәи аформатқәеи еидызкылаз ашоу.
Екатеринбург имҩаԥысуа Жәларбжьаратәи аҿар рфестиваль еизнагеит Урыстәыла еиуеиԥшым арегионқәеи егьырҭ атәылақәеи рҟынтәи 10 нызқьҩык рҟынӡа алахәылацәа. Аҳәаанырцәтәи аделегатцәа рхыԥхьаӡараҿы иҟоуп 100-ҩык рҟынӡа Аԥсны ахаҭарнакцәа.