 |
 |
 |
 |
 |
 |
«Тҟәарчалтәи атеатр, егьырҭ атеатрқәа реиҧш, аихьӡара бзиақәа аман еснагь. Атеатр рааҧсара ду адуп еиуеиҧшым аамҭақәа рзы уаҟа аус зуаз Асҭамыр Цыба, Шәарах Ҧачалиа, Нурбеи Камкиа, Нури Кәарҷиа, Нури Қьышьмариа, Шьалуа Гыцба, Шьалуа Ҵәыџьба, Заур Қьышьмариа, Сырбеи Сангәлиа, Роман Сабуа уҳәа аӡәырҩы. Иахьа иуадаҩу аҭагылазаашьа шыҟоугьы, атеатр иалахәу актиорцәа гәацҧыҳәарала рҟазара ахәаҧшҩы изнаргоит.
Аҧсны жәлар р-Џьынџьтәылатә еибашьра амца иалҵыз ақалақь-фырхаҵа Тҟәарчал иқәынхо ауааҧсыра рзы шәтеатр культуратә хәышҭаараны иҟалеит. Иахьагьы уи ахәышҭаара аҧсы ҭоуп, агәра згоит, ҩаҧхьагьы атеатр абзиабаҩцәа ақәыргыламҭа ҿыцқәа рыла ишәыргәырӷьап ҳәа.
Ишәзеиӷьасшьоит агәабзиара, агәамч, шәахьыҟазаалак ишәыцзааит аманшәалара, арҿиаратә гәаҳәара».