 |
 |
 |
 |
 |
 |
Адныҳәалараҿы иаҳәоит:
«Ҳаҭыр зқәу Алик Николаи-иԥа!
Гәык-ԥсык ала ишәыдысныҳәалоит шәиубилеи – 70 шықәса шәхыҵра. Ари ақәра иагьырацәам, иагьмаҷым, ауаҩ дыр, аԥышәа ду змоу ауаҩ иқәроуп. Шәара шәыԥсҭазаара зегьы бзиа ижәбо аус – археологиа иазышәкит. Адгьыл иаҵаҵәахыу ҳҭоурых беиа ҳажәлар ирызшәырхынҳәуеит, уи даара иус дууп, избанзар зҭоурых ззымдыруа амилаҭ ԥеиԥш рымам. Уи инаҷыданы шәара шәԥышәеи шәдырреи еиҵагылоу аҿар ирымажәдоит, археологиахь агәыбылра дшәыркуеит, аартра ҿыцқәа ҟазҵараны иҟоу аҵараауа ҿарацәа ҳзышәааӡоит.
Шәыԥсҭазаара иалагӡаны ишәылшаз рацәоуп, макьана шәаԥхьаҟа иҟашәҵараны иҟоу маҷӡам. Ишәзеиӷьасшьоит агәабзиара, аманшәалара, адунеитә ҵакы змоу археологиатә аартра ҿыцқәа».