 |
 |
 |
 |
 |
 |
Ԥхынгәы 6 аҽны аплатформа Zoom ацхыраарала имҩаԥысит Аԥсны Акультура аминистр Даур Ақаҩбеи Сириатәи Арабтәи Ареспублика Акультура аминистр Лиубана Мушавехи злахәыз авидеоконференциа.
Аицәажәараан аминистрцәа акультура аусхк аҿы аҩ-ҳәынҭқаррак аҳәынҭқаррабжьаратә еимадареи аусеицуреи рыбжьаҵаразы азҵаарақәа ирылацәажәеит. Наҟ-ааҟгьы аганқәа иаадырԥшит ԥхьаҟатәи аинырра аҿиараз аинтерес ду.
Аицәажәара аконструктивтәи аиҩызаратәи ҟазшьа аманы имҩаԥысит.
Аԥсны Аҳәынҭқарра Акультура Аминистрра акультуреи, аҟазареи, аҭоурых-культуратә ҭыхна ахьчареи рус аҟны аҳәынҭқарратә политика аԥызҵо, насгьы иназыгӡо ихадоу ҳәынҭқарратә усбарҭоуп.