 |
 |
 |
 |
 |
 |
Аспектакль аҿы еиҭаҳәоуп Макар Девушкини Варенька Добросоловеи рыбзиабара аҭоурых. Ахархәара аҭоуп арежиссиортә маана. Уи ахәаԥшцәа аспектакль азал аҟынтәи акәымкәа асценаҿ иҟоушәа агәаанагара рнаҭоит.
Аспектакль афырхаҵа хада ироль наигӡоит Аԥсны зҽаԥсазтәыз артист Ҭемраз Чамагәуа, афырԥҳәыс хада – актриса Амра Начҟьебиаԥҳа. Аспектакль иара убасгьы иалахәуп Розита Ҭаниаԥҳа, Алиас Колбаиа, Леон Кур-оӷлы.
Арежиссиор-ақәыргылаҩ – Аԥсны акультура зҽаԥсазтәыз аусзуҩ, Урыстәыла зҽаԥсазтәыз артист Адгәыр Ақаҩба. Иара убасгьы иара ари аспектакль асахьаҭыхыҩ-ақәыргылаҩс дыҟоуп.
Аԥсны Аҳәынҭқарра акультура аминистр Даур Ақаҩбеи аминистр ихаҭыԥуаҩ Динара Смырԥҳаи С. Ҷанба ихьӡ зху Аԥсуа ҳәынҭқарратә драматә театр аԥхьарбара «Агәхыхҩы» иаҭааит.
