Амузеи аԥҵаҩыс иҟоуп Аԥсны Аҳәынҭқарра Акультура Аминистрра.

Амузеи аҟны аус руеит 14 зал, еиуеиԥшым атематикатә рубрикақәа рыла еиҿкааны.

• Абжьаратә ашышықәсақәеи ҳаамҭазтәи аҭоурыхи рзал – аекспозициатә материал аус адырулоит;

• Аџьынџьтәылатә Еибашьра ду иазку азал - иӡыргоуп 2016 шықәса маи мзазы;

• Владислав Григори-иԥа Арӡынба изку азал – аекспозициа аартуп 2015 шықәсазы;

• Аибашьра ахроника азал – Аԥсны жәлар рџьынџьтәылатә еибашьра ихадоу аоперациақәа ирызку аинформациатә стендқәа рыла еиҿкаауп;

• Хатәгәаԥхарала еибашьуаз ирызку азал – аекспозициақәеи атеқстә материалқәеи реиқәыршәара иаҿуп;

• Тҟәарчал еибашьуаз рхатәы маҭәарқәа, рдокументқәа, рҳамҭақәа, Тҟәарчалтәи азауад "Зариа" аҟны иҭыжьыз абџьарқәа, амацәаз иҭакыз Тҟәарчалынтә иаарышьҭуаз асалам шәҟәқәа уҳәа егьырҭ амаҭәарқәа рыла еиқәыршәоу 4 залк;

• Абџьар иазку азал – аӷа ицәыргаз абџьар ала еиқәыршәоу;

• Аиааира азал – аекспозициа еиқәыршәоуп В. Г. Арӡынбиа ихы иаирхәоз ахсаалеи, агәыԥ "Шьараҭын" ахсаалеи рыла, иара убас аҳәынҭқарратә ҳамҭақәа, Аџьынџьтәылатә еибашьраан Аԥсны иадгыланы еибашьуаз, ацхыраара азҭоз аҳәынҭқаррақәа рбираҟқәа, Аԥсны Ахьыԥшымра азхазҵаз аҳәынҭқаррақәа рбираҟқәа рыла;

• Аԥсны Аҳәынҭқарра Ахьыԥшымра иазку азал;

• Лаҭа иҭахаз ирызку аекспозициа;

• Акттә зали, ацәыргақәҵатә зали аусмҩаԥгатәқәа рымҩаԥгарази аамҭалатәи аекспозициақәа реиҿкаареи рзы рхы иадырхәоит.

В. Г. Арӡынба ихьӡ зху Аибашьратә фырхаҵара амузеи адиректор "Аԥсны Афырԥҳәыс" ҳәа ахьӡ ҳаракы зыхҵоу Мзиа Ҷыҷыкәа-иԥҳа Беиа.