 |
 |
 |
 |
 |
 |
Ахәылԥаз иалахәыз иргәаладыршәон Тарас Шамба иԥсҭазааратә мҩа, лымкаала иазгәарҭеит аԥсуа жәлар рмилаҭтә-хақәиҭратә қәԥареи Аԥсны ахьыԥшымра азаагареи рзы иҟаиҵаз алагала ду. Иара ибзоураны иҩызцәа Аԥсны рыԥсы ирзалымхуа бзиа ирбеит.
Аԥсны Акультура аминистр Даур Ақаҩба иазгәеиҭеит абиԥарақәа реигәныҩра аҵак ду шамоу.
«Ахәылԥаз аҿы иҟоуп аиҳабацәеи аҿари рхаҭарнакцәа. Урҭ еидызҳәало арахәыц рыбжьдара ҳалшар, иҳалшар аиҳабацәа рԥышәеи рҵасқәеи ирышьҭанеиуа абиԥарақәа рызнагара, усҟан ҳара зегь ҳақәҿиауеит», – иҳәеит аминистр.
Ахәшьара цәгьоуп Тарас Шамба иџьабаа абаза жәлар реидкылара, иара убас аԥсуа жәлари ачерқьес жәлари рыешьаратә еимадарақәа рырӷәӷәара, реизааигәатәра аус аҟны.
Ахәылԥаз иалахәын акультуреи аҭҵаарадырреи рзы Аԥсны ахада иабжьгаҩ Аԥсны ахада иабжьгаҩ Ныгәзар Логәуа, Акультура министр Даур Ақаҩба, Ҟарачы-Черқьестәи Ареспублика Акультура аминистр Зураб Агирбов, Аԥсны Аҳәынҭқарра Жәлар Реизара адепутат Дмитри Маршьан, Аԥсны Аџьынџьтәылатә еибашьраан хатәгәаԥхарала еибашьуаз рымадаразы аҳәынҭқарра ахада иабжьгаҩ Рисмаг Аџьынџьал, ауаажәларратә аполитикатә усзуҩы Беслан Кәабахьиа, ажурналист афилологиатә ҭҵаарадыррақәа рдоқтор Екатерина Бебиаԥҳа, абазатәи аҵарауаҩ, ашәҟәыҩҩы, аекономикатә ҭҵаарадыррақәа рдоқтор Олег Етлухов, ауаажәларратә еиҿкаара «Абаза» ахантәаҩы Умар Кончев, Ставропольтәи атәылаҿацә иқәынхо абазақәа рхеилак ахантәаҩы Армида Чагова.
Ахәылԥаз еиҿыркаатә абазатәи аҵарауаҩ, ашәҟәыҩҩы, аекономикатә ҭҵаарадыррақәа рдоқтор Олег Етлухов, ауаажәларратә еиҿкаара «Абаза» ахантәаҩы Умар Кончев, агазеҭ «Абазашҭа» аредақтор хада Фардаус Кулова уҳәа егьыргьы.
